Hvað er ökutæki?
Í íslenskum lögum og reglum er orðið ökutæki oft notað orðið er hinsvegar lítið notað í talmáli og er því nauðsynlegt að skýra notkun þess í þessum vef.
Hugtakið tekur til fjölmargra tækja sem hægt er að aka eins og orðið ber með sér. Þegar orðið er notað í vef Tollstjóra er því alls ekki eingöngu átt við bíla. Sum ökutæki eru vélknúin og önnur án vélar, sum eru skráningarskyld og önnur ekki.
Sem dæmi um ökutæki má nefna: bíla, barnavagna, hjólhýsi, hjólastóla, mótorhjól, reiðhjól, tjaldvagna og þannig mætti lengi telja.
Áhugasamir geta kynnt sér 87. kafla tollskrár en í þann kafla flokkast ökutæki.